Коалицијата Груевски-Ахмети, функционира непречено и во полн состав, рече денеска вицепремиерот и генерален секретар на ДУИ, Абдилаќим Адеми.
„Сметам дека коалицијата и Владата функционираат во полн состав. Нема никаков застој. Како што гледате имаме и редовни седници на комисии, на Влада и редовни активности на сите министерства, така што мојата констатација е дека Владата функционира во полн состав и коалицијата функционира исто така“, изјави Адеми.
Претходно и владиниот портпарол излезе со иста изјава.
Но првиот тест ќе биде комисиската расправа за законот за права на бранителите, поднесен од пратеничката група на ВМРО-ДПМНЕ.
Седницата е закажана за 10-ти септември, а наредната недела,во понеделник или најверојатно во четврток ќе расправа матичната комисија за труд и социјална политика, вели претседателот на комисијата, Цветанка Иванова.
Односите во коалицијата се заладија по инцидентот во Слупчане и по поднесениот Закон за бранителите. ДУИ, беа категорични, ако ги нема и ОНА во Законот, сите сценарија се можни, а премиерот Груевски пак изјави дека не отстапуваат и дека нема да го погазат македонското достоинство.