Од Асоцијација на активисти за заштита на животните (ААПЖ)
Живееше на аеродромот Александар Велики, таму беше погоден со дијабола, а потоа спасен од хумани луѓе… Помина низ многу терапии, а додека го носевме по ветеринари барајќи помош за него, само тажно не гледаше. Не пушти глас. Знаеше дека правиме се за негово добро.
Ова е накратко судбината на нашиот Шарко, кучето за кое од постоењето на нашата организација, достигна рекорд – но не поради нешто убаво, туку поради тоа што никој не сака да го вдоми! Веќе 9 месеци Шарко чека газда што ќе му пружи љубов, а ние за тоа време плаќаме сместување за него, бидејќи душата не ни дава да го вратиме на улица. Тој заслужува повеќе од тоа. Но, за жал, ние немаме повеќе финансии да се грижиме за него, па затоа ги молиме сите оние што сакаат миленик – не го прескокнувајте Шарко кога ќе ги видите неговите слики, само затоа што е големо куче.
Тој е нашиот мал џин, бидејќи зад ова големо суштество се крие неверојатна маза, кротка и мирољубива душа!
Шарко сега е здрав, вистинско куче-чувар, редовно вакциниран, се радува на луѓе, на животни, на природа! Дајте му шанса, за да не заврши на улица!
Секој хуман човек што може да ја отвори душата за него, нека се јави на 070 235 417.