Вкупно 450 кандидати се пријавиле за 27 нови работни места во Управата за финансиска полиција. На петти јули Управата преку оглас побара 27 извршители – финансиски полицајци поради зголемениот обем на работа. Од Управата најавуваат дополнителни тестирања поради големиот интерес.
„Ќе подготвиме дополнителни тестирања за ги одбереме најдобрите кандидати. Со сите пријавени кандидати се предвидени интервјуа, систематски прегледи и безбедносни проценки како стандардни процедури, но дополнително ќе мораме да направиме тестирање за да ја направиме селекцијата“, велат од финансиската полиција.
Управата е обврзана во рок од три месеци да ги заврши сите процедури и да ги избере новите кандидати. Очекуваат целата постапка да заврши во текот на септември.
Директорот на Управата, Арафат Муареми, по распишувањето на огласот на 5 јули објасни дека новите вработувања се поради зголемените надлежности и согласно препораките од ЕУ. објасни директорот Арафат Муареми.
„Надлежностите на Управата се зголемени. Ќе правиме интегрирани истраги со другите институции и доекипирање беше неопходно. Новите вработувања се во согласност со планот 3-6-9 на Владата за реформи“, рече директорот Муареми за „А1он“ по објавата на огласот на почетокот на минатиот месец.
Управата сега има 34 финансиски полицајци од кои тројца се распоредени во СЈО.