Невремето што синоќа го зафати Кавадарци направи големи проблеми во градот. Поплави улици, дворови и подрумски простории во десетици куќи. Од општината информираат дека добиле 50 пријави од кои 30 се за поголеми штети.
Во делови од Кавадарци вчера наврнаа и до 40 литри дожд на метар квадратен за половина час. Улиците беа прекриени со наноси од кал.
Општината информираше дека во текот на ноќата и денеска се санираат последиците. Ќе биде формирана комисија за проценка на штетите.