На плоштадот „Македонија“ денеска се одбележа Светскиот ден на остеопорозата.
Од остеопороза во Македонија боледуваат околу 120 илјади жени. Овие статистички податоци на Светската здравствена организација се само предупредување за потребата од лекување и превентива од оваа болест.
За да се намали ризикот од заболување од остеопороза се препорачува апстиненција од пушење, намалување на консумирањето на алкохол, повеќе движење и вежби. Особено е важна исхраната богата со калциум која влијае на градењето и зачувувањето на здрава коскена маса.
Недостигот од калциум и витамин Д како и исхраната сиромашна со белковини го зголемуваат ризикот од остеопороза.
Во светот поради остеопороза, на секои 3 секунди има по една скршеница, а на секои 22 секунди по една скршеница на рбетните пршлени. Една од три жени, како и еден од пет мажи постари од 50 години доживуваат скршеница поради остеопороза.