11 лица, сите државјани на Непал се затекнати во обид илегално да излезат од Македонија и во близина на граничниот премин Богородица да влезат во Грција. Откриени се и приведени.
„ На 15.5.2024 во 22.50 часот, полициски службеници Полициската станица за гранични проверки и граничен надзор Богородица при Регионалниот центар за гранични работи Југ затекнале 11 лица државјани на Непал при обид за илегално преминување на државната граница од Република Северна Македонија во Република Грција. Лицата се приведени во Полициската станица за гранични проверки и граничен надзор Богородица, известен е дежурен судија од Основен суд Гевгелија“ велат од МВР.
Сите 11 лица добиле решенија за напуштање на територијата на државата.