Чешкиот претседател Милош Земан смета дека во државата ќе биде можно воведување на еврото во 2017 година.
Не е доволно само да го имаме еврото во програма, потребно е нешто да се работи, а тоа значи да се направи план за воведување на еврото, да се утврди термин за прифаќање на еврото и да се избере стратегија за премин од круната кон евро, изјави Земан.
– Јас сметам дека сето тоа може да се направи до 2017 година и се надеваме дека ќе успееме, додаде тој.
Земан вели дека во Словачка и Австрија каде еврото е офицјална валута, задоволни се 70 отсто граѓани, но тоа не е главен аргумент за неговото воведување.
– Чешката економија е мала и извозно ориентирана. Осумдесет отсто од производството е за извоз, а три четвртини извозници поддржуваат воведување евро за да не бидат изложени на колебање на валутниот курс, вели чешкиот претседател.
Чешката Влада досега одобри пристапување на државата во фискалниот пакт на Европската унија што обврзува државата да усвои правила за буџетска дисциплина.