Руска нафта повторно се испорачува за Унгарија, Словачка и Чешка

Од:

Руската државна нафтена компанија „Транснефт“ повторно го покрена протокот нафта преку јужниот крак на нафтоводот „Дружба“.

„Пумпите работат, вклучени се во 16 часот“, изјави помошникот-претседател на компанијата, Игор Дјомин.

Унгарски „МОЛ“ денеска соопшти дека го уплатил надоместот за транзитот на нафтата низ Украина, посочувајќи дека се работи за „брзо решение“, откако дојде до застој во испораките заради „технички проблеми што се јавиле во банкарската трансакција“.

Украина од 4 август го запре транзитот на руска нафта за јужна Европа, од причина што поради западните санкции не ѝ биле префрлени средствата како надомест за транзит. На 22 јули на украинскиот оператор со нафтоводот „Уктранснафта“ му бил уплатен транзитот за август, но на 28 парите биле вратени бидејќи трансакцијата не била спроведена.

Русија преку нафтоводот „Дружба“ испорачува околу 250 илјади барели нафта дневно за Унгарија, Словачка и Чешка.

Москва веќе ги намали испораките гас за многу членки на ЕУ, правдајќи го тоа со проблемите настанати во одржувањето на пумпите на гасоводот „Северен ток 1“, како и поради санкциите воведени против некои од коминетентите што Москва ги смета непријателски.

Извор: МИА

Би можело да ве интересира

Русите спречиле терористички напад: ФСБ уапси три лица

(ВИДЕО) Страотна несреќа на рели во Унгарија: Најмалку четворица мртви

Катерина Ѓуровски

(ВИДЕО) Нова драма во Русија: Евакуиран трговски центар по дојава за експлозивна направа

Катерина Ѓуровски

Објавена снимка од дрон од ужасот и пустошот во Москва

А1он

140 повредени во терористичкиот напад, полесно повредените добиваат амбулантска нега

А1он

Пендаровски го осуди нападот во московската концертна сала Крокус

А1он