Најновите податоци на Европската канцеларија за статистика Евростат, покажуваат дека најниска минимална плата во Европската унија има Бугарија (184 евра), додека највисоката изнесува 1.932 евра или 11-ти пати повеќе, а ја добиваат работниците во Луксембург.
Во првата група со минимална плата под 500 евра се наоѓаат државите во источна Европа и Хрватска, додека во втората група со плата од 500 до 1.000 евра се Словенија и државите од јужна Европа, додека Германија, Велика Британија, Франција, нордиските држави и државите од Бенелукс се во групата со минималец повисок од 1.000 евра.
Во однос на 2008 година пад на минималната заработувачка е забележан само во Грција и тоа во износ од 14 проценти, во Ирска е на исто ниво, додека во сите останати држави на ЕУ минималната месечна заработувачка е зголемена.
Највисоко зголемување на минималната плата во периодот од јануари 2008 до 201 година има во Романија во износ од 95 проценти, потоа во Бугарија со 64 проценти, Словачка со 58 и Летонија со 57 проценти, велат во Евростат.
Е.Г.