Предупредувачки штрајк во траење од 24 часа денеска ќе одржат вработените во пристаништата во Грција поради несогласување со најавите на Владата за приватизациска процедура.
И покрај преземената обврска за запирање на приватизацијата на 67 отсто од активите на пристаништата во Пиреја и Солун, Владата најверојатно разгледува отстапка под притисок на кредиторите, се вели во соопштение од синдикатите.
Тие наведуваат дека нема да прифатат продажба на активи на тие пристаништа ниту каква било друга форма на приватизација.
Пред една недела беше објавено дека Владата разгледува продажба на делови од двете најголеми пристаништа во државата како отстапка за договор со меѓународните кредитори за финансиска помош.