Потрошувачките цени во Венецуела минатиот месец се зголемени за рекордни 6,2 отсто во споредба со април, што значи дека на оваа латиноамериканска земја и се заканува хипер инфлација, пренесува лондонски „Фајненшал тајмс“, повикувајќи се на официјални извори во Каракас.
Стапката на инфлација во Венецуела во првите пет месеци од годинава се зголемила за 19,4 отсто, што е незначително помалку отколку во целата измината година, кога е забележан пораст на потрошувачките цени од 20,1 процент.
Аналитичарите на американската банка Голдман Сакс наведуваат дека стапката на инфлација во оваа земја на крајот на минатиот месец се зголемила на годишно ниво за високи 35,2 отсто.
Како што се истакнува во анализата на Голдман Сакс, доколку некоја земја има поголем раст на потрошувачките цени од 40 отсто на годишно Ниво, тогаш може да се смета дека се наоѓа во зона на хипер инфлација.