„Уникредит“ отпушта 8.000 вработени и затвора 500 филијали

Од:

Италијанската банка „Уникредит“ од крајот на оваа до крајот на 2023 година ќе го намали бројот на вработени за 8.000 лица и ќе затвори 500 филијали, се наведува во стратегискиот план на оваа финансиска институција.

На крајот на третото тримесечје од оваа година во банката работеле 84.600 лица. Доколку се реализира предвиденото кастрење на вработените, штетата за банката ќе се намали за речиси 9,5 отсто.

Според новиот план на банката, нејзините вкупни расходи во 2023 година ќе достигнат 10,2 милијарди евра.

„Уникредит“ забележува дека непрекинатата оптимизација на банката, поддржана со зголемување на инвестициите во ИT секторот, ќе овозможи бруто заштеди во Западна Европа во износ од милијарда евра.

„Ова штедење ќе биде достигнато делумно за сметка на кастрењата за околу 8.000 лица во текот на планираниот период. Како резултат на континуираната оптимизација на мрежата од филијали во периодот од 2019 до 2023 година ќе се затворат околу 500 канцеларии“, се наведува во документот, цитиран од агенциите.

Во посочениот период банката планира да купи акции во износ од две милијарди евра.

„Уникредит“ прогнозира дека благодарение на зголемувањето на својата база на клиенти во Европа приходите во 2023 година ќе достигнат 19,3 милијарди евра при годишен раст од 0,8 отсто, а чистата добивка пред оданочувањето ќе изнесува пет милијарди долари.

Банкарската групација „Уникредит“ делува во 18 држави од светот.

Би можело да ве интересира

Во март референдум во Италија за намалување на бројот на пратеници

Ана Ололовска

Регионални избори во Италија: демократите победија во Емилија Ромања, Лига во Калабрија

Ана Ололовска

Стотици Италијанци илегално користеле социјална помош

Ана Ололовска

Ди Мајо најверојатно ќе се повлече од лидерската функција во Пет Ѕвезди

Ана Ололовска

Албанската мафија меѓу најактивните криминални групи во Италија

Италијанската полиција приведе 94 лица под сомнение за злоупотреба на средства од ЕУ

Ана Ололовска