ТЕЦ Неготино има мазут само за 20 дена, а не за до април како што ветуваше Васко Ковачевски

Од:

Министерот за економија Крешник Бектеши соопшти дека ТЕЦ Неготино нема да се стартува затоа што во моментов цената на струјата која се увезува е поевтина отколку цената на струјата која би се произведувала во ТЕЦ Неготино затоа што треба да се набави мазут.

dobivaj vesti na viber

Тој не објасни зошто домашното производство би било поскапо од увезената струја, а не објасни ниту советникот за енергетика на премиерот Ковачевски, Виктор Андонов.

На прашањето на „А1он“ зошто домашното производство на струја со помош на мазут кој треба да го има во доволно количини би било поскапо, Андонов одговори:

– Еден од главните фактори кои влијае врз цената на производствената струја на ТЕЦ е увозот на мазут и имајќи предвид дека увозот на струја започна пред три недели, може да се види дека во тој период цената на берзите се движеше од 150 до 200 евра за мегават-час и тоа беше период кој се искористи да се направат потребните сервисни активности и согласно најавите овие активности да завршат до крајот на ноември. Се очекува оваа електрана да биде ставена во функција од декември – истакна тој.

На прашањето на „А1он“ зошто треба да се набавува мазут за ТЕЦ Неготино повторно сега кога уште во месец август Владата и ЕСМ најавија дека почнале да се набавуваат залихи на мазут, Андонов кусо рече дека ТЕЦ има залихи да работи непрекинато 20 денови.

– Што се однесува до залихите на мазут, тие се некаде одоколу 20.000 тони, или пластично објаснто, ТЕЦ има залихи да работи непрекинато околу 20 денови. Дополнително секојдневно се доставуваат количини мазут.

Состојбата со ТЕЦ Неготино која ја прикажаа Бектеши и Андонов е сосема различна од сликата која ја прикажа директорот на ЕСМ, Васко Ковачевски кон крајот на јули кога пред новинарите рече дека во тој момент се набавува и мазут за рестартирање на ТЕЦ Неготино.

Според најавите на првиот човек на ЕСМ, требаше да се набават околу 180 до 200 илјади тони мазут кои треба да бидат доволни за периодот од ноември до април.

Би можело да ве интересира

Се намали цената на мазутот

ТЕЦ Неготино нема да се вклучи затоа што ќе произведува поскапа струја од увозната

Орце Костов

Ковачевски: Потрошивме 55 милиони евра за досегашните испораки на мазут и јаглен од Грција и Албанија

Орце Костов

Тече испораката на мазут во ТЕЦ Неготино, производството ќе почне следната недела

Ана Ололовска

Одземени лиценците за вршење дејност на три компании за трговија со нафта

КОД: Мазутот од Супертрејд за РЕК Битола со повеќе вода и суплементи, откри инспекторатот