Поддршката на Европската банка за обнова и развој (ЕБОР) во делот на инфраструктурните проекти што се реализираат во Македонија, беше тема на денешната средба на министерот за транспорт и врски Горан Сугарески со Анка Јоана Јонеску, директор на Канцеларијата на ЕБОР во Скопје.
Министерот Сугарески се заблагодарил за досегашната соработка, нагласувајќи ја важноста од поддшката што ја овозможува ЕБОР за реализација на капиталните проекти и изразил целосна подготвеност за продолжување на таквата соработка и во наредниот период, соопшти Министерството за транспорт и врски.
На Европската банка за обнова и развој гледаме како сериозен партнер во реализација на проектите во инфраструктура што ги ветивме пред граѓаните. Имаме интерес таа соработка да продолжи и во наредниот период, рекол министерот Сугарески кои со Јонеску се согласиле за продлабочување на досегашната соработка.