Грчкиот министер за финансии Јанис Стурнарас денеска демантираше дека Грција се наоѓа под притисок од страна на меѓународните кредитори за прифаќање дополнителни мерки за фискална консолидација.
Тој денеска оствари средба со премиерот Андонис Самарас, кој утре треба да замине во Брисел на нов круг преговори со претседателите на Европскиот совет, Херман ван Ромпуј, на Еврокомисијата Жозе Мануел Барозо и на Европскиот парламент Мартин Шулц, во врска со грчкиот спасувачки план.
Се очекува за време на разговорите Самарас да им нагласи на европските претставници дека грчката Влада не може повеќе да преземе строги мерки за штедење.