За време на средбата на врвот меѓу Франција, Германија , Италија и Шпанија, закажана за 28 август, официјален Мадрид ќе го поддржи создавањето заеднички буџет и министер за финансии на еврозоната, пренесоа француските медиуми.
-Ние ќе продолжиме да работиме на продлабочување на економската и монетарна унија, забележа денеска шпанскиот премиер Мариано Рахој по својата средба со шпанскиот крал Фелипе.
„Шпанија ја поддржува идејата за европски министер за финансии и за европски буџет, што постепено ќе го изедначи стандардот на живеење и богатството на сите европски држави“, подвлече шпанскиот премиер, кој ќе присуствува на средбата на врвот во Париз, организирана од францускиот претседател Емануел Макрон.