Првата потпретседателка на хрватската Влада, Весна Пусиќ изјави дека земјата ќе ја задржи куната како средство за плаќање и дека нема да го воведе еврото се додека земјата не стане конкуретна економија. Нејзиниот коментар уследи по изјавата на претседателот на Европската комисија Жозе Мануел Барозо дека истече рокот на траење на европската монетарна политика.
– Европската монетарна унија воведува повисоко ниво на интеграција… а што се однесува на Хрватска тоа на дневен ред ќе биде по пет години. По влезот во ЕУ, Хрватска ќе ја задржи куната како средство на плаќање и нема да го воведеме еврото се додека не би имале конкурентна економија и додека не бидеме сигурни дека во тие услови можеме да просперираме, посочи Пусиќ.
Таа додаде дека треба да се оди полека, да има солидни подготовки и дури потоа да се преземат обврските.
– Парите кои и се на располагање на Хрватска во седумгодишниот буџет се 15 пати повеќе од парите што земјата можеше да ги користи од претпристапните фондови, а не ги искористи оти не беше земја-членка, наведе Пусиќ.