Министерот за економија Ваљон Сарачини денеска ќе го отвори саемот за туризам „Скопје Травел Маркет“ што ќе трае до 27-ми април.
На саемот ќе учествуваат тур-оператори од регионот, Турција, Италија, Северен Кипар, Унгарија, а свое претставување ќе имаат туристички агенции, хотели, ресторани, кампови, компании за патнички превоз, потенцијални инвеститори во туристичката индустрија, авиокомпании, занаетчиски комори, како и винарски визби и туристички оператори за верски туризам.
Манифестација е поттикната од фактот дека туризмот е значајна стопанска гранка, која има суштествена улога во економскиот развој, привлекувањето нови инвестиции, отворање работни места, промовирање на културните вредности и на природните богатства.