Пекарите се заканија: Граѓаните ќе ги оставиме без леб ако се замрзне цената на 33 денари

Од:

Производителите на леб донеле заедничка одлука да го прекинат производството на леб и да ги остават граѓаните без леб првиот ден по објавувањето на одлуката за замрзнување на цената на лебот во Службен весник.

Горан Малишиќ, претседател на групација за мелничко-пекарската индустрија при Стопанската комора на Македонија по денешната средба на членките, рече дека и сега имало поевтинет леб благодарение на субвенциите за струја, но дека замрзнувањето на цената ќе предизвика прекин на нивната работа.

– Производителите донесоа заклучок дека мерката има позитивен ефект, производителите ги намалија цените на лебот според висината на учеството на струјата во определување на крајната цена. На пазарот имаме разни варијации, разни тежини на леб и за населението за кое мислиме дека е социјална категорија, веќе постојат цени на леб.

Мерката на Министерството за економија ќе донесе штети од 3.000 до 15.000 евра на ден кај производителите на леб, а некои ќе затворат.

Донесовме едногласна одлука дека дента кога ќе излезе одлуката за замрзнување на цената на лебот во Службен весник, од следниот ден нема да се произведува леб и нема да се носи на пазарот.
Секоја компанија си има свои трошоци и според нив ја одредува цената. Никој не го тераме со сила да купи леб од 50 денари ако веќе постои леб од 30. Тоа е пазарна економија – рече Малишиќ.
Пекарите го предупредија Бектеши дека неговата одлука ќе значи пропаст за нив.

– Овие компании веќе имаат набавени залихи по висока цена на брашно, пченица и не може министерот со една одлука од утре да ја намали цената, ќе ги уништи компаниите. Ова решение ќе значи пропаст. Ние не бараме време, одлуката веќе е донесена. Ова не е бојкот, ова е спас за индустријата. Сите компании калкулираат со залихи од 3-4 месеци кои се направени после жетвата кога цената беше највисока на брашното – додаде тој.

Би можело да ве интересира

Лебот нема да поскапи следните два месеца, компаниите се жалат на проблеми со ликвидноста и со одлив на кадри

А1он

Реакции по враќањето на старите цени на полисите: Државата воспостави 100 отсто контрола над цените, обвинуваат осигурителните компании

А1он

Над 2.500 земјоделски и прехранбени производи се очекува да поевтинат со новиот закон за нефер трговски практики

Орце Костов

ЕСМ нема да се продава додека ДУИ е на власт, вели Бектеши за спојувањето на ТЕЦ Неготино и АД Електрани

Орце Костов

Бектеши: Победата во ДУИ не се дискутира, со СДСМ не сме блиску до договор за коалиција

Орце Костов

Изгласан законот за нефер трговски практики: Рабатот кај земјоделските производи ќе биде 10 отсто

Орце Костов