Директни редовни и чартер летови Македонија-САД, ова ќе го овозможи денеска потпишаната спогодба за воздушен сообраќај меѓу министерот за транспорт и врски, Миле Јанакиески, и американскиот заменик помошник државен секретар, Филип Рикер.
„Уште од утре ќе почнеме со процес на лобирање и анимирање на авиокомпаниите за да им укажеме на оваа можност и сите поволности што ги нудат пред се македонските аеродроми. Очекувам дека ќе се пројави интерес, но сепак тоа зависи од бизнис логиката и комерцијалниот аспект за воспоставување на летовите“, изјави министерот Јанакиески .
„Сакаме да направиме се што можеме за да ги продлабочиме односите меѓу САД и Македонија. Со потпишувањето на договорот ќе ја зајакнеме економската соработка и билатераланите врски, особено овој пат кога фокусот го ставаме на економијата, економскиот раст и реформите кои се многу важни“,изјави Рикер и додаде дека промовирањето на развојот на Македонија е долгорочен значаен приоритет на САД.