Најголемите десет трговски центри во светот се наоѓаат во Азија, а според една анализа објавена во Сингапур, гигантските трговски центри, најчесто, се нецелосно искористени.
Најголемите од сите, што не е изненадување, се изградени во Кина. Најголем е „Соут Чајна Мал’’ во Донгун, кој има простор од 660.000 квадратни метри, а втор со 100.000 квадрати помалку простор е пекиншкиот „Голден рисоурс’’.
На листата од десетте најголеми трговски центри има и три од Филипините. Сопственици, или најголеми акционери на трговските гигант во Манила и Лузон се тајкуни од Кина, или филипинци од кинеско потекло. Филипинската трговска мрежа „ Прајм холдинг’’ со 40 релативно помали „мал центри’’ работи и на кинескиот пазар.
Сингапур, светскиот центар на трговијата во последните децении на минатиот век сега само како збир на вкупниот простор влегува во 15-те најголеми во светот. Од пред 10 години титулата „трговски рај ’’ во југоисточна Азија од Сингапур ја презедоа Филипините, Малезија и Тајланд.
Два трговски комплеки, кои не се на источниот дел на Азија, но се во топ 10 листата се наоѓаат во Иран и Дубаи. Иранскиот „ Персиан гулф комплекс’’ има продавници на простор од 450.000 квадратни метра и е лоциран во градот Шираз е трет по големина во светот. Во Дубаи, во еден комплекс со површина од 350.000 квадрати е „Дубаи Мал’’, кој со 350.000 квадрати продажен простор е седми по големина во светот.