Во Истанбул денеска ќе се одржи 36-та средба на министрите за надворешни работи на земјите членки на Организацијата за црономорска економска соработка.
Според извори во Министерството за надворешни работи на Турција, кое е домаќин на собирот, главна тема на средбата ќе бидат „последните случувања во реонот на Црното Море“.
Како што јави БТА, се очекува на средбата да се разговара за начините на кои Организацијата би можела поефикасно да одговори на актуелните проблеми.
Оваа средба во Истанбул е последен собир во мандатот на претседавањето на Турција со Организацијата, по што него ќе го преземе Украина.