Германската канцеларка Ангела Меркел денеска изјави дека вратата за нови преговори за финансирање на Грција ќе биде отворена по референдумот закажан за 5 јули.
– Ако по референдумот грчката влада побара да се обноват преговорите, природно ние нема да се спротивставиме на тоа, изјави Меркел на прес-конференција во Берлин, додавајќи дека предметниот референдум очигледно е поврзан со останување во еврозоната.
Германската канцеларка ја отфрли можноста да биде закажан вонреден Самит на европските лидери пред референдумот во Грција, закажан за 5 јули, јави ДПА.
– Треба да бидеме многу внимателни за пораките што ги испраќаме, изјави Меркел, истовремено отфрлајќи ја можноста да патува до Атина пред референдумот.
Во среда германскиот парламент ќе има специјална дебата за грчката криза.