Според пресметките на Блумберг, 500-те најбогати луѓе во светот вчера изгубиле вкупно 208 милијарди долари поради остриот пад на акциите.
Ова е четврти најголем еднодневен пад во 13-годишната историја на индексот на милијардери на Блумберг, а воедно и најголем од врвот на пандемијата „Ковид-19“.
Најголеми загуби се забележани кај шефовите на американските технолошки гиганти.
Најмногу загубил основачот на Мета, Марк Цукенберг, 17,9 милијарди долари, откако акциите на неговата компанија паднале за 9 отсто, пренесува Блумберг.
Џеф Безос изгуби 15,9 милијарди долари бидејќи акциите на Амазон исто така потонаа за 9 отсто за еден ден.
Илон Маск загуби 11 милијарди долари, со што вкупните загуби од годината до денес достигнаа 110 милијарди долари.