– Блокадата е наша лекција за Македонија за во иднина. Тие се научени Косово да биде добро дете кога станува збор за договори а тие и другите држави разгалени деца – изјави косовската вицепремиерка и министер за трговија Мимоза Кусари по преговорите во Приштина со македонскиот министер за економија, Ваљон Сарачини.
Министерката Кусари, како што пренесува порталот Алмакос, вели дека на Македонската влада треба да и биде јасно дека Косово во иднина нема да дозволи таков третман, а одлуката на македонските власти за блокирање на границата била ароганција и покажување супериорност кон Косово.
Министерот Сарачини во изјавата што ја пренесува Алмакос рекол дека се при крај со договорот за деблокада на границата и додал дека се плаши оти ако тоа не се случи можни се немири.