Европа едноставно ја замени својата зависност од рускиот гас за зависноста од течен природен гас (ЛНГ) од Соединетите држави и додека губи милијарди, САД ги прават, изјави во неделата портпаролот на Кремљ, Дмитриј Песков.
Земјите-членки на Европската Унија одржаа итен состанок во саботата во обид да се договорат за плафонот за цената на гасот пред состанокот на министрите за енергетика во вторник, но се чини дека тие се уште се во несогласување.
Европската аспирација да се ослободи од зависноста од рускиот гас е „апсурдна“ и „луда“, изјави Песков.
„Тие само ја заменија нивната зависност со префрлување од руски гас на американски течен природен гас“, РИА го цитираше портпаролот на Кремљ.
Всушност, зависноста продолжува, само со „помал реципроцитет“, рече Песков.
„И сега Европејците губат милијарди евра секој ден, а Вашингтон ги заработува тие милијарди во долари“, заклучи тој.