Хрватска може да побара помош од Меѓународниот монетарен фонд (ММФ), бидејќи потребите од кредити во наредната година стануваат огромни и многу ризични, изјави хрватскиот министер за финансии Славко Линиќ.
Најновата членка на ЕУ треба да позајми 44 милијарди куни (7,7 милијарди долари) идната година, за да го рефинансира долгот и да го покрие буџетскиот дефицит од 16 милијарди куни, изјави Линиќ.
– Во соработка со ММФ условите за кредитирање би биле многу поповолни. И ние ќе имаме потреба од секаква помош, што можеме да ја добиеме, додаде тој.
Хрватска, чија економија во износ од 63 милијарди долари не регистрира раст од 2008 година, е соочена пред зголемување камати, долгови на државните претпријатија, невработеност, што се ближи кон 20 проценти.