Харадинај и Рама со највисоки плати меѓу премиерите во регионот

Од:

Премиерите на Косово и на Албанија, Рамуш Харадинај и Еди Рама добиваат највисоки плати во регионот во споредба со премиерите на другите земји, се наведува во извештајот на Светска банка.

Од друга страна премиерката на Србија, Ана Брнабиќ е со најниска плата во регионот. Нешто повисока плата од неа имаат премиерите на Македонија, Зоран Заев и на Црна Гора, Душко Марковиќ.

„Шефот на косовската Влада, Харадинај има највисока плата или 2.950 евра. Веднаш по него, според висината на месечната плата е неговиот албански колега Рама, со 1.700 евра. Наспроти тоа Албанија и Косово се со најниски просечни месечни плати на Балканот, кои се пониски дури петпати од премерските плати“, наведуваат албанските медиуми.

Српската премиерка Брнабиќ има најниска плата во регионот, односно 1.000 евра, додека македонскиот премиер Заев има месечна плата од 1.300 евра, а претседателот на црногорската Влада, Марковиќ има месечни примања од 1.130 евра.

Просечната месечна плата во Црна Гора изнесува 751 евро, по што следуваат Србија, Босна и Херцеговина и Македонија.

 

Би можело да ве интересира

ВИДЕО: Еди Рама оттурна новинарка оти не му се допадна прашањето

Рама: Приштина да не презема никакви чекори без консултација со САД

Преку проект на Светската банка ќе се модернизираат и ќе се поврзуваат платните системи на Западен Балкан

Рама: Историски момент е утрешниот избор на прв премиер Албанец во Македонија

Катерина Ѓуровски

Светска банка планира да одвои околу 700 милиони евра за спроведување на новата стратегија за соработка со Македонија

Курти за средбата со Рама и Таравари: Мора да бидеме еден за друг