Нов менаџерски тим ќе управува со Тутунскиот Комбинат-Прилеп. Според биографиите доставени до Македонската берза, во игра се четири нови предлог-членови и тоа: Елена Зарковска – магистер по финансии и финасово право, Христина Келемен – магистер по економски науки, Вера Димитриева -магистер по право и Здравко Здравески со директорско искуство во една од домашните банки.
Од доставените биографии може да се забележи дека сите членови, освен Здравески, се на околу 30-годишна возраст со последно работно искуство во кабинетот на Груевски.
Предлог-членовите треба да бидат изгласани од акционерското собрание на Тутунскиот комбинат и, доколку бидат избрани, во иднина да работат на намалување на загубите, бидејќи, како што е познато, во првиот квартал на оваа година Тутунскиот комбинат прокнижи загуба од 1,1 милион евра.
А.Ш.