Грција и кредиторите добија ултиматум од ЕУ – до сабота да постигнат договор

Од:

Европските лидери на крајот од првиот ден од својот самит во Брисел и поставија ултиматум на Грција – до крајот на неделата да постигне спогодба со своите кредитори, со што ќе си дозволи повторно да го добие заемот од над седум милијарди евра и ќе ја избегне инсолветноста, пренесува БТА.

dobivaj vesti na viber

– Сите ние се согласивме дека треба да продолжи работата меѓу Грција и институциите и дека средбата на Еврогрупата во сабота има решавачки карактер, затоа што времето не притиска, изјави германскиот канцелар Ангела Меркел по завршувањето на 10-часовната дебата со партнерите од ЕУ, собрани на самит во Брисел.

„Според мене оваа средба во сабота е од решавачко значење, затоа што ние сме исправени пред краен рок, изјави францускиот претседател Франсоа Оланд.

Претседателот на Европскиот совет Доналд Туск на Твитер напиша дека европските лидери сметаат дека Еврогрупата „во сабота ќе го заврши процесот“.

Шефовите на држави и влади од ЕУ одбиваат да бидат арбитер во напрегнатите преговори меѓу Атина и нејзините кредитори (Европската централна банка, Меѓународниот монетарен фонд и Европската комисија) за реформите и буџетските кастрења, барани од Грција во замена за деблокирање на заемот од 7,2 милијарди евра.

Евентуалното излегување на Грција од еврозоната ќе биде неизбежно доколку Атина и кредиторите не постигнат спогодба во следните пет дена, утринава изјави германскиот еврокомесар, одговарен за дигиталната економија и информатичкото општество, Гинтер Јотингер за радио „Дојчландфунк“.

-Ќе направиме се до 30 јуни Грците да покажат дека се подготвени за реформа, рече Јотингер. „Наша цел не е Грција да излезе од еврозоната, но тоа ќе биде неизбежно доколку не се најде решение во следните пет дена“,забележа германскиот еврокомесар, цитиран од британските медиуми.

Би можело да ве интересира

УНХЦР стравува дека во потонатиот чамец во близина на Родос загинале десетици бегалци и мигранти

Ана Ололовска

ЕУ следниот месец може да одобри комбинирани вакцини против коронавирусот

А1он

Србија e единствена земја-кандидат што не ја почитува одлуката на ЕУ за мерките за борба против тероризмот

А1он

ВИДЕО: Голем шумски пожар на грчкиот остров Тасос

Ана Ололовска

Намалена невработеноста во Грција

А1он

Стајкурас: Грција по 12 години се враќа во европската нормала и повеќе не е исклучок во еврозоната