Цените на гасот на европските пазари нагло пораснаа по нападот врз катарската индустриска зона Рас Лафан, јавува Би-Би-Си.
Во раното тргување, цените на големо во Велика Британија и Европа скокнаа за повеќе од 25%, пред делумно да се стабилизираат. Иако сè уште се под највисоките нивоа забележани претходно овој месец, моменталните цени се повеќе од двојно повисоки во споредба со периодот пред почетокот на конфликтот.
Нов бран на поскапување е забележан утрово, кога цените на гасот пораснаа за повеќе од 20% по новите напади врз енергетската инфраструктура на Блискиот Исток, вклучително и главната катарска гасна постројка.
Во меѓувреме, цената на нафтата се зголеми за околу 5% и се движи околу 113 долари за барел. Катарската државна енергетска компанија соопшти дека две серии ирански напади предизвикале „обемна штета“ на главниот гасен центар во земјата.
