Фондот за иновации на Електронскиот систем за јавни набавки објави тендер за набавка на правни услуги за период од една година (2018/2019) со проценета вредност од 1 милион и 230 илјади денари или приближно 20 илјади евра. Огласот е објавен на 16 август, а целта е да обезбеди правна помош, консултации и правни совети.
Правните услуги, меѓу другото, опфаќаат и стручна поддршка при дефинирање критериуми за подобност на корисниците на Фондот од различни инструменти за поддршка, дефинирање процедури за финансиски исплати кон корисниците од инструментите за поддршка, усогласување на критериумите за доделување поддршка со одредбите од законодавството за државна помош.
Постапката за доделување на договорот треба да ја спроведе Комисија за јавни набавки при Фондот за иновации составена од 3 члена. Критериумот за избор е економски најповолната понуда.
Васко Маглешов