Владата преку одредени медиуми убедува дека во Македонија пристојно се живее, дека сме лидери во поволна бизнис клима, a најновото и дека никогаш како досега била намалена невработеноста.
А податоците на релевантни европски институции друго покажуваат.
Македонија е трета најсиромашна држава во Европа покажаа најновите податоци на Еуростат, мерено според показателот БДП по глава на жител.
Македонските граѓани се 65% под стандардот на ЕУ, исто како и Србите. Само Босанците и Албанците имаат полош стандард.
За уште попрецизно да го преслика реалниот животен стандард на домаќинствата во ЕУ, Eуростат освен БДП-то по жител, кој според нив поточно го одразува нивото на економските активности, го употребил и алтернативниот показател на стварна поединечна потрошувачка по жител.
Македонија е во истата група и на истото место и според овој показател со 60 отсто под просекот во ЕУ. Во долниот дел од табелата, како земји кои се под просекот на ЕУ, се Италија и Шпанија но тие се многу блиску до просекот на БДП по глава на жител со 98 односно 97 %, Грците имаат 75 % од просекот, а најлоши во однос на просекот се Романија и Бугарија кои имаат двојно понизок стандард.