ВИДЕО: Електричното Фиќо-пример за соработка меѓу проект финансиран од ФИТР и странски инвеститор

Од:

Презентацијата на првиот македонски електричен автомобил создаден од ББ Класик карс е пример за одлична соработка помеѓу проект што е финансиран од Фондот за иновации и технолошки развој (ФИТР) и странски инвеститор кој веќе почна активности за изградба на фабрика во ТИРЗ Бунарџик, оцени денеска вицепремиерот за економски прашања Кочо Анѓушев.

dobivaj vesti na viber

-Презентацијата на автомобилот е точно она што ние го посакуваме да го видиме како резултат од програмите што ги има Владата и во ФИТР и во рамките на Законот за финансиска поддршка на инвестиции. Мило ми е што денеска гледам дека веќе се случува во реалноста тоа што беше наша замисла да го видиме како резултат од програмите што ги спроведовме. Овој проект е еден од таквите позитивни примери, изјави Анѓушев.

Нагласи дека германската компанија Кеслер, која во изнајмена хала во населбата Илинден има воспоставено мал производствен погон со четириесетина вработени од кои голем дел се инженери, е испорачателот на електромоторот за првиот македонски електричен автомобил.

-Кеслер е една од компаниите која во ТИРЗ Бунарџик има закупено простор од 13.600 квадратни метри и планира да го прошири со нови 5.000 квадратни метри. Ја расчистуваат површината за да изградат високотехнолошка фабрика за производство на електромотори, електрични компоненети и електронски компоненти за ЦНЦ машини и за електрични возила. Таму ќе биде сместен и нивниот развоен центар, рече Анѓушев.

Изработката на првиот македонски електричен автомобил ЗАС Г 20 во рамки на проектот „Замена на мотор со внатрешно согорување на класичен автомобил Фиќо, со електричен мотор“ ја поддржа ФИТР со седум милиони денари, а сопственикот на ББ Класик карс учествуваше со три милиони денари сопствени средства.

-Задоволство ми е што денеска може да презентираме еден од привите резултати од Планот за економски раст во третиот столб кој го започнавме 2018 година. Ова е добра идеја која е преточена во конкретен продукт, а одлично е што имаме додадена вредност на целиот проект, а тоа е германски инвеститор што ја препозна можноста во овој продукт да најде свој пазар и свој интерес, изјави директорот на ФИТР Јован Деспотовски.

Тој нагласи дека инвестицијата на Кеслер реално ќе помогне да заживее концептот на ББ Класик карс и додаде дека веќе се разговара како може покрај на Фиќо да се примени и на други возила што, потенцира, ќе придонесе во намалувањето на загадувањето на воздухот.

Сопственикот на ББ Класик карс, Милорад Китановски посочи дека македонскиот електричен автомобил се изработува заедно со уште 20-тина мали стопанственици, занаетчии, работилници и претпријатија.

Директорот на Кеслер, Патрик Тролие нагласи дека до крајот на годинава планираат да ја изградат нивната фабрика во Бунарџик.

-Имаме сериозни планови да растеме особено во делот на производство на електромотори и електро компоненети, рече Тролие.

Би можело да ве интересира

Возењето електричен автомобил носи заштеда од 190 евра месечно, покажуваат податоци

А1он

Речиси една десетина од продадените автомобили во Франција во 2021 година биле електрични

А1он

Харис демонстрираше како се полни електричен автомобил и порача изградба на 500.000 станици за полнење

А1он

Кочо Анѓушев ќе го продава велешки Борец на берза за 25.000 евра

Жарко Настоски

Форбс: Електричните автомобили од Кина ќе доминираат на светскиот пазар

А1он

Само еден процент од возилата на патиштата во Европа во 2018 година биле електрични

Ана Ололовска