Кочо Анѓушев ќе го продава велешки Борец на берза за 25.000 евра

Од:

На денешниот состанок на ФК „Борец“, сопственикот и претседател на клубот Кочо Анѓушев, соопшти дека клубот ќе се продава на Берза, бидејќи е акционерско друштво, а вкупната цена на акциите е 25 илјади евра.

dobivaj vesti na viber

Анѓушев им предложи на ветераните кои претендираат да го водат клубот, да ја користат жиро-сметката и печатите на клубот.

– Станува збор за акционерско друштво, кое е во стопроцентна сопственост на Брако и има 2500 акции, со вредност од 10 евра по акција. Јас им понудив на луѓето кои сакаат да го купат клубот дека ќе треба тоа да го направат преку Берза, да ги уплатат тие 25 илјади евра, а ние после тоа како Брако, ќе ги вратиме како донација назад во клубот, за да не излезе дека ние ги бараме парите, но не треба да биде друштвото продадено со капитална загуба, појасни Анѓушев.

Ветераните на Борец велат дека се разочарани од ваквиот развој на настаните, бидејќи, како што рече нивниот претставник Марјан Нацев, претходно им ветено дека клубот ќе го добијат без надомест.

-Не очекувавме ваков расплет, бидејќи приказната беше дека клубот ќе го добиеме со нула долгови и без надомест. Берзата е јавно наддавање и нема никаква гаранција дека градот ќе си го врати клубот, иако има правни можности тоа да се случи и без одење на берза. Како понатаму, во моментов не можам да ви кажам, изјави Нацев во име на ветераните на ФК „Борец“.

Тој појасни дека нивна желба е клубот да не згасне и работат на тоа да го преземат и да најдат негов спонзор. Вели дека се во ситуација да обезбедат пари за фудбалерите, бидејќи се платени трошоците, како и за судиите и за гостувањата.

По заминувањето на спонзорот „Брако“ и негов сопственик Кочо Анѓушев, оставка на тренерската позиција си даде Горазд Михајлов и неговиот помошник тренер Ангел Темелков. Нов тренер на ФК Борец е Баже Левков, поранешен фудбалер на клубот. Од играчите, досега официјално си замина само хрватскиот интернационалец Никола Прелчец.

Би можело да ве интересира

Тешко повреден пешак во Велес

Репрезентацијата на Велс го менува името

Слимани: Гастиен ми рече дека сум „гнасен Арап“

Пијан велешанец сaкал да убие жена во полициска станица, одреден му е притвор

Избегнат голем инцидент во велешката полициска станица

Голем удар за Португалија: Диого Жота го пропушта Светското првенство