Економскиот тим на Министерството за финансии денеска се сретна со гувернерот на Народната банка Димитар Богов.
На средбата, како што соопшти Министерството за финансии, станало збор за унапредување на соработката помеѓу Министерството за финансии и Народната банка и важноста за координацијата на фискалната и монетарната политика за економскиот систем.
Соговорниците на средбата ја потврдиле заложбата за одржување на макроекономската стабилност и спроведување политики кои ќе придонесат за одржлив економски раст, соопшти Министерство за финансии.