Инфлацијата во делот на храната во моментов е 10 проценти, но министерот Бектеши очекува до крајот на годината таа да падне на пет отсто.
– Јас ветив дека инфлацијата во однос на храната ќе биде пет проценти на крајот од годината. Во моментов е десет отсто, но очекувам овие мерки да ја намалат најмалку за четири проценти – рече министерот за економија, Крешник Бектеши на прашањето дали владината одлука за замрзнување на цените ќе ја намали вкупната инфлација во делот на храната на среден рок.
Бектеши додаде дека супермаркетите од утре ќе мора да ги означат цените за да може, освен граѓаните и инспекторите на ДПИ да вршат контроли и да прават анализи кој направил прекршок, а тие ќе имаат и зголемени овластувања. За прекршување на оваа мерка, министерството може да го затвори супермаркетот кој не ги намалил цените.