Антикризни мерки: Учениците ќе добиваат од 1.200 до 1.800 денари месечно, по 3.000 денари за пензионерите со ниски пензии

Од:

Владата донесе деветти пакет антикризни мерки во вредност од 662 милиони евра кој е наменет за компаниите и ранливите категории на граѓани.

– Со оваа мерка се опфаќаат 120.000 млади лица, над 74.000 социјално ранливи категории на граѓани, над 187.000 пензионери, 40.000 земјоделци, 600.000 домаќинства и над 70.000 компании. Со системските мерки се опфатени над 300.000 пензионери и над 100.000 вработени во администрацијата. Мерките наменети за граѓаните се во износ од 156 милиони евра – истакна премиерот Димитар Ковачевски на прес-конференција после владината седница.

За основците и средношколците од ранливи категории семејства со ниски примања до 50.000 примања предвидено е во следните шест месеци тие да добиваат по 1.200 денари, односно 1.800 денари месечно за што ќе се издвојат 14,3 милкони евра за оваа мерка.

15.000 студенти надвор од местото во кое студираат ќе добијат ваучер за превоз. Месечно ќе добиваат ваучери од 600 до 1.200 денари за што се предвидени два милиони евра.

Во следните пет месеци по 1000 денари ќе добиваат корисниците на надоместок заради попреченост, самохрани родители, родители на лица со попреченост до 26 години. Буџетот за оваа мерка е 2,7 милиони евра.

Пензионерите со пензија до 14.000 денари ќе добиваат по 3.000 месечно, оние со пензиоја од 14.000 до 16.000 денари, ќе добиваат 2.000 денари месечно, додека оние со пензија од 16.000 до 19.000 денари ќе добиваат помош од 1.500 денари.

За зголемување на земјоделските производи, предвидена е авансна исплата на субвенции на 1,8 милиони евра.

Би можело да ве интересира

Државни субвенции во Србија: 5000 евра за електично возило, 20.000 евра за нов стан

Деветтооделенци од Кавадарци краделе и монтирале фотографии од соученички за да им се исмејуваат

Орце Костов

Субвенции за клими: За југозападна Македонија ваучери од 25.000 денари, за останатите 2000 помалку

Орце Костов

Не е точно дека оваа влада ќе ги укине субвенциите за струја од први јули, вели Битиќи

(ВИДЕО) Вашите деца не мрзнат, што да јаде моето дете: Викотници на вработени во ЈСП кон советниците на ВМРО-ДПМНЕ

Александар Тодески

Учениците се враќаат на настава