Вокално-инструменталниот состав на Државниот ансамбл на народни игри и песни „Танец“, вечерва ќе настапи пред Кривопаланчани. Концертот е закажан за 20 часот, во Национална установа Центар за култура, Крива Паланка, а настапот е дел од турнејата на Танец низ државата.
– Ќе бидат изведени стари македонски народни песни, со а-капела пеење на вокалниот состав, кој придонесува во одржување и развивање на народните песни. Влезот е бесплатен, па ги повикувам сите Кривопаланчани да го проследат настапот, изјави Вања Јакимовска, директор на НУ Центар за култура, Крива Паланка.
Таа истакна дека градот е препознатлив по традицијата на негување на фолклорот и културата од овој крај.
– Во нашата установа речиси четири децении опстојува културно-уметничкото друштво „8 Октомври“, чиј што прв ансамбл од 5-ти до десетти октомври ќе ги презентира разноликоста на фолклорот и мелосот од Македонија на настапот во Гросс-Цимерн, Германија, дополни Јакимовска.