Универзитетската библиотека „Гоце Делчев“ во Штип денес доби нови 1500 примероци, односно 340 наслови како донација од градежната фирма „Бетон-Скопје“.
Донацијата се состои во изданија од различни жанрови: научни дела, енциклопедии, монографии, прирачници, лектири, детска литература, а најголем број од изданијата се дела од македонското книжевно творештво.
На свеченото примопредавање присуствуваа претседателот на Uправниот одбор на компанијата „Бетон-Скопје“, градоначалникот на општина Штип, Илчо Захариев, како I писателот и сопственик на издавачката куќа „Матица“, Раде Силјан, кој беше задолжен за изборот на делата.
Директорката на библиотеката, Орхидија Лазарова, упати голема благодарност до донаторите и притоа истакна дека ваквата донација е повеќе од добредојдена.
Директорот на „Бетон“, Дејан Нешковиќ истакна дека ова нема да биде последна донација од ваков вид, а се надева дека овие 1500 книги ќе им овозможат на штипјани да ги продлабочат своите знаења и да ги подобрат своите вештини.
M.Р.