Манчевски поканет да предава на филмската академија во Пекинг

Од:

Милчо Манчевски добил покана да предава на државната филмска академија во Пекинг. Сите филмови на наградуваниот македонски режисер неодамна беа прикажани на 20-тиот Филмски фестивал во Шангај и тоа беше прва ретроспектива на македонски уметник каде било во Азија.

Манчевски беше и во жирито за главната награда на фестивалот, а одржа и мастерклас при Универзитетот во Шангај. Воедно беше отворена и изложба на фотографии од режисерот и промовирана негова книга издадена во Кина. На крајот од фестивалот, Манчевски, заедно со холивудската актерка, Французинката Изабел Ипер, во улога на презентери, на сцената ја објавија и главната филмска награда.

– Сега првпат легално се прикажуваа моите филмови во Кина. И покрај тоа, тие и се прилично добро познати на кинеската публика, особено на академските кругови, затоа што нашироко се предаваат на универзитетите низ Кина. Досега ги гледале како пиратски изданија, оти званично не се увезени, иако играа во комшии – во Тајван, Хонг Конг, Јапонија, Јужна Кореја… Низ годините бројни рецензии и есеи се објавувани, а филмовите се предаваат и на филмските академии во Кина како пример за наративна структура. Проекциите беа распродадени (сала од 1.200 седишта), а добив и покана да предавам на државната филмска академија во Пекинг, изјави Манчевски за неколкунеделниот престој во Кина каде имало голем интерес за неговите филмови, како и написи и интервјуа во медиумите.

Би можело да ве интересира

„Врба“ на Манчевски со нов рекорд на гледаност

Ана Ололовска

На 25 јануари специјална проекција на „Медена земја” во Љубљана

Ана Ололовска

Објави во српски медиуми за двојната номинација на „Медена земја“

А1он

„Медена земја“: Препознат крикот на планетата, разнишани убедувањата дека радоста се крие во поседувањето

Ана Ололовска

„Медена земја“ со нови награди за најдобар документарец и за кинематографија

Ана Ололовска

Василичарски концерт „Легенди“, претстави во театрите од 21 јануари, во ТДМ од утре

Ана Ололовска