Стотина ученици од основно општинско училиште „Јоаким Крчовски“ и средното општинско училиште „Ѓорче Петров“, Крива Паланка учествуваа на денешната манифестација „Европски ден на јазиците“ која се одржа во училишниот хол на кривопаланечката гимназија.
-Задоволство е да се биде домаќин на една ваква културна манифестација во која се презентираат активностите на ученциите во образовната дејност. Нашето училиште е со долга традиција, во која талентот на младите надополнет со мудроста на ворасните е потврда за квалитетот и успех на сите полиња. Со манифестацијата покажавме дека раличните јазици не прават разлика меѓу луѓето, изјави директоректорката на средното училиште „Ѓ.Петров“ Виолета Станковска-Станојковска.
Учениците пееја, рецитираа, цртаа цртежи со пораки и драматизираа на француски англиски и италијански јазик.
– Учениците твореа под мотото „Учaм пеејќи на европските јазици“, обидувајќи се да ни дадат колку е можно појасна слика за мултикултурноста која постои во Европа. Наш денешен слоган беше „Да ја славиме разновидноста, а не разликите!“. Настанот се одржа во координација со активот по странски јазик од двете училишта, беа застапени сите јазици кои се изучуваат, со особен акцент на францускиот бидејки настанот е подржан од Институт за француски јазик, Скопје, изјави професорката по фрнцуски јазик во ООУ „Ј.Крчовски“ Елена Николовска.
Според професорката Елена Тодоровска од СОУ „Ѓ.петров“, одбележувањето на денот на Европските јазици има за цел да ја зголеми свеста кај луѓето за важноста за учење на јазици и да ги потикне во поголемо изучување на истите.
Со оваа активност Крива Паланка стана дел од една Европска манифестација, заедно со бројни училишта, организации, здруженија и поединци кои на најразлични начини го прославуваат и одбележуваат Денот на Европските јазици-26-ти септември.