Рената Дескоска, членка на Извршниот Одбор на СДСМ и потпретседателка на Собранието на Македонија, денеска учествува на состанокот ОБСЕ/ОДИХР во Варшава, посветен на човековите права.
Станува збор за Human Dimension Implementation Meeting (HDIM), најголемата годишна конференција за човекови права и демократија во Европа.
Дескоска е воведничар на 15-та сесија посветена на слободата на мисла, совест, вероисповед и верување. Во рамките на излагањето таа истакна дека посветеноста на државите и на меѓународната заедница се клучни за подобрување на заштитата на човековите права.
-Соочени со актуелната состојба со бегалската криза во Европа, државите и меѓународната заедница треба да обезбедат заштита на бегалците без дискриминација врз основа на нивното религиозно уверување и да им ги обезбедат човековите права кои се признаени со меѓународните документи за заштита на бегалците, рече Дескоска.
Конференција за човекови права и демократија во Европа (HDIM) ОБСЕ/ОДИХР ја организира секоја година со цел градење платформа за 57-те држави членки на ОБСЕ, цивилното општество, меѓународните организации и другите релевантни фактори, за имплементација на човековите права и заложбите за демократија на ОБСЕ.