Двете земји-соседи на Северна Кореја, Кина и Јапонија изразија вознемираност поради денешната севернокорејска нуклеарна проба.
– Народна Демократска Република Кореја изврши нова нуклеарна проба и покрај противењето на меѓународната заедница. Кинеската Влада е сериозно вознемирена поради тоа, се наведува во соопштението на Министерството за надворешни работи на Кина.
Во документот натаму се наведува дека Кина ја реафирмира својата поддшка на отстранувањето на нуклераното оружје од Корејскиот Полуостров и на борбата против ширењето на оружјето за масовно уништување, но во целиот текст никаде не се споменува „осуда“ на постапката на властите во Пјонгјанг.
Во соопштението се повикува Северна Кореја „да не презема никакви активности, кои би ја влошиле состојбата“ и се бара обнива на шестстраните преговори за севернокорејската нуклеарна програма.
Јапонскиот премиер Шинзо Абе во реакцијата на севернокорејската нуклеарна проба оцени дека таа претставува „голема опасност за безбедноста на Јапонија и сериозен предизвик за глобалната рамка за нуклеарно разоружување и за неширење на оружјето за масовно уништување“.
– Таквите потези не може да се толерираат, нагласи Абе.