Португалскиот репрезентативец во дресот на “кралевите“, Кристијано Роналдо со својот 20-ти хет-трик ја демолираше Севиља на вечерашното дерби во шпанската Примера каде што неговиот тим триумфираше со 4-1.
Прв во листата на стрелци се запиша Карим Бензема во 18-та минута од натпреварот, за подоцна да следува гол-шоуто на Роналдо. Португалецот најпрво во 26-та минута испрати вистинско торпедо кон голот на Севиља, а потоа во 46-та и 59-та минута од мечот донесе водство за “кралевите“ од 4-0. Ману во 87-та минута постигна почесен погодок за Севиља и го постави конечниот резултат кој гласеше 4-1.