Времето утре во Македонија ќе биде облачно со врнежи прво од дожд, кои наместа ќе имаат и пороен карактер, додека на планините попладне врнежите ќе бидат од снег. Утре во ноќните часови ќе дува умерен северен ветер и врнежите од дожд ќе поминуваат во врнежи од снег и на пониските места.
Утринската температура ќе се движи од еден до шест, а дневната од пет до 11 степени.
Во Скопје времето ќе биде облачно и дождливо. И во скопското подрачје врнежите од дожд во текот на ноќта ќе преминуваат во снег. Утринската температура ќе се спушти до три, а дневната ќе се искачи до осум степени.
До понеделник ќе се задржи променливо облачно и студено време, со повремени врнежи претежно од снег. Повремено врнежите ќе имаат и пообилен карактер и ќе се формира снежна покривка. Поради ниските температури ќе има појава и на голомразица.