Студент кој престојува во студентскиот дом „Гоце Делчев“ јадејќи во мензата на домот, во својата панцерота пронашол железен предмет со остар крај кој наликува на игла.
Како што велат студентите, ова се случило пред неколку недели од кога и фотографијата почнала да кружи по социјалните мрежи.
„Гоце Делчев“ важи за еден од најруинираните студентски домови во Македонија. Од минатата година започна реновирањето на дел од домот, но по се изгледа храната во мензата останала иста. Студентите велат дека не е прв пат да пронајдат нешто во оброкот за кој плаќаат 3450 денари месечно.
Виктор Јованов