Пратеничката група на ВМРО-ДПМНЕ во Собранието имаше средба со претседателот Христијан Мицкоски. Консултациите се пред вечерашната седница на Извршниот комитет и пред седницата на Централниот комитет која, според најавите треба да се одржи утре.
Според извори на А1он разгледани се неколку опции. Договорено е да се соберат потписи за барањето за формирање Анкетна комисија која треба да работи на расчистување на инцидентите на денот на референдумот.
Став на Мицкоски е дека при евентуалните преговори со Заев ќе бара формирање на техничка влада, именување нов Јавен обвинител на предлог на опозицијата и Анкетна комисија за инцидентите на референдумот. Техничката влада според наши извори требало да функционира една година и за тој период треба да се работи на реформите во државата и на почеток на нови преговори со Грција. Доколку СДСМ инсистира на предвремени избори, ВМРО-ДПМНЕ останува на договореното за Пржинска Влада.
Овие услови од ВМРО-ДПМНЕ не се прифатливи за СДСМ, За нив, зад ставот стои барање за амнестија на Никола Груевски.