Хрватската влада планира да основа нова државна нафтена компанија, со што ќе ги врати овластувањата за управување со експлоатација на нафта и гас, кои ги изгуби со приватизацијата на ИНА.
Новата државна компанија ќе биде главен орган на државниот технички и стручен надзор над концесионерите за експлоатација на јаглеводород, што во минатото ги извршуваше Министерството за економија, наведува хрватскиот весник „Вечерњи лист“.
Приватизираната нафтена компанија ИНА со децении функционира како неформално министерство за нафта и гас, извршувајќи голем број јавни функции. Бидејќи овие функции и активности на компанијата не се одделени при приватизацијата, изминатите години компанијата продолжи да функционира како државен монопол. Односно единствен концесионер за истражување и експлоатација на нафта и гас во земјата, но во приватна сопственост и водена од целосно комерцијални цели.
Законот што ќе овозможи основање нова државна нафтена компанија би може да се најде пред хрватскиот Парламент веќе во март оваа година.