ВИДЕО: Марш ЗА европска Македонија

Во Скопје попладнево се одржа Марш за европска Македонија, организиран од Коалицијата „Заедно за европска Македонија“, кој финишираше со голем собир на кој се обратија премиерот Зоран Заев и претседателот на Собранието Талат Џафери.

Маршот започна пред зградата на Црвениот крст во Скопје, а заврши пред зградата на Делегацијата на ЕУ.

Пред седиштето на Делегацијата на ЕУ се одржа голем граѓански собир на кој се обратија премиерот Зоран Заев, претседателот на Собранието Талат Џафери, актерката и синдикален претставник Сања Арсовска и новинарот Томислав Кежаровски.